ભારતીય નૌકાદળ એ દેશની એક પ્રતિષ્ઠિત સશસ્ત્ર સેવા છે જે સમુદ્રી સીમાની સુરક્ષા સંભાળે છે. નૌકાદળે હવે 260 પોસ્ટ્સ પર શોર્ટ સર્વિસ કમિશન (SSC) ઓફિસર્સની ભરતી માટે સત્તાવાર સૂચના બહાર પાડી છે. SSC નો અર્થ એ છે કે ઓફિસર તરીકે પ્રારંભિક સેવા 10-14 વર્ષની હોય છે. આ એક સુવર્ણ તક છે તે યુવા માટે જેઓ દેશ સેવા સાથે એક આદર્શ, સાહસિક અને ટેકનોલોજી-સંચાલિત કારકિર્દી બનાવવા ઇચ્છે છે.
મહત્વની તારીખો
આ ભરતી માટેની અરજી પ્રક્રિયા સંપૂર્ણ રીતે ઓનલાઈન છે. ઓનલાઈન અરજી ભરવાની સુવિધા 24 જાન્યુઆરી, 2026 થી ખુલશે. તમારી અરજી ભરવા માટે તમારી પાસે એક મહિનો સમય હશે, કારણ કે છેલ્લી તારીખ 24 ફેબ્રુઆરી, 2026 છે. આ તારીખ પછી કોઈ પણ અરજી સ્વીકારવામાં આવશે નહીં. પસંદગી પ્રક્રિયા (SSB ઇન્ટરવ્યુ) પછી, પસંદ થયેલા ઉમેદવારો જાન્યુઆરી 2027 માં ઇન્ડિયન નેવલ એકેડમી (INA), એઝિમાલામાં તાલીમ માટે જોડાશે. સૂચનાની અંતિમ તારીખો છે, અરજી કરતા પહેલા સત્તાવાર વેબસાઇટ પર ફરી ચકાસણી કરવી યોગ્ય રહેશે.
કઈ કઈ પોસ્ટ/શાખા પર ભરતી થશે?
આ ભરતી વિવિધ શાખાઓ/કેડર માટે છે, જે દરેકની તેની જુદી જુદી ભૂમિકા અને જવાબદારી છે. કુલ 260 જગ્યાઓ નીચે પ્રમાણે વહેંચાયેલી છે:
- એક્ઝિક્યુટિવ બ્રાન્ચ (GS(X)/ હાઇડ્રો): 76 જગ્યાઓ (મહિલાઓ માટે મહત્તમ 10+1)
- પાયલોટ: 25 જગ્યાઓ (મહિલાઓ માટે મહત્તમ 03)
- નેવલ એર ઓપરેશન્સ ઓફિસર (ઓબ્ઝર્વર્સ): 20 જગ્યાઓ (મહિલાઓ માટે મહત્તમ 03)
- એર ટ્રાફિક કંટ્રોલર (ATC): 18 જગ્યાઓ
- લોજિસ્ટિક્સ: 10 જગ્યાઓ (મહિલાઓ માટે મહત્તમ 01)
- શિક્ષણ: 07 જગ્યાઓ
- એન્જિનિયરિંગ શાખા (GS): 42 જગ્યાઓ (મહિલાઓ માટે મહત્તમ 07)
- સબમરીન ટેક એન્જિનિયરિંગ: 08 જગ્યાઓ (ફક્ત પુરુષો)
- ઇલેક્ટ્રિકલ શાખા (GS): 38 જગ્યાઓ (મહિલાઓ માટે મહત્તમ 07)
- સબમરીન ટેક ઇલેક્ટ્રિકલ: 08 જગ્યાઓ (ફક્ત પુરુષો)
પગાર કેટલો મળશે?
ભારતીય નૌકાદળમાં પ્રવેશ કરતા સબ લેફ્ટનન્ટ પદના SSC ઓફિસરને પ્રારંભિક કુલ પગાર દર મહિને લગભગ રૂ. 1,25,000/- (એક લાખ પચ્ચીસ હજાર) મળે છે. આ પગારમાં મૂળ પગાર, ભથ્થાં (ડીએ, એચઆરએ વગેરે) અને સમુદ્રી ભથ્થું સામેલ હોય છે. ઉપરાંત, પાયલોટ, નેવલ એર ઓપરેશન્સ ઓફિસરને તાલીન પછી રૂ. 31,250/- નું વધારાનું વિમાનચાલક ભથ્થું મળે છે. તે જ રીતે, સબમરીન શાખાના ઓફિસર્સને સબમરીન ભથ્થું મળે છે. આ ઉપરાંત મફત આવાસ, ભોજન, મેડિકલ, વિશ્રાંતિ ગૃહ સુવિધા જેવા અન્ય લાભો પણ મળે છે.
કોણ અરજી કરી શકે?
આ ભરતી માટે શૈક્ષણિક લાયકાત અને ઉંમર બંનેની ખૂબ સ્પષ્ટ આવશ્યકતાઓ છે.
- શૈક્ષણિક લાયકાત: મુખ્યત્વે BE/B.Tech, B.Sc, B.Com, MA, M.Sc, MBA/PGDM, MCA જેવી ડિગ્રીધારકો માટે છે. દરેક શાખા માટે ચોક્કસ સ્ટ્રીમ/વિષયની જરૂર છે. ઉદાહરણ તરીકે, પાયલોટ માટે કોઈપણ સ્ટ્રીમમાં BE/B.Tech (60% ગુણ) જરૂરી છે, જ્યારે લોજિસ્ટિક્સ માટે BE/B.Tech અથવા MBA અથવા B.Sc/B.Com + PG ડિપ્લોમા જરૂરી છે. બધી જ શાખાઓ માટે ઓછામાં ઓછા 60% એકંદર ગુણની આવશ્યકતા છે.
- ઉંમર મર્યાદા: દરેક શાખા માટે ઉંમરની મર્યાદા અલગ છે અને તે જન્મ તારીખના શ્રેણી તરીકે આપવામાં આવી છે. ઉદાહરણ તરીકે, એક્ઝિક્યુટિવ બ્રાન્ચ માટે જન્મ તારીખ 02 જાન્યુઆરી 2002 થી 01 જુલાઈ 2007 ની વચ્ચે હોવી જોઈએ. પાયલોટ માટે 02 જાન્યુઆરી 2003 થી 01 જાન્યુઆરી 2008 ની વચ્ચે. ચોક્કસ વિગતો માટે સત્તાવાર સૂચના વાંચવી જરૂરી છે.
પસંદગી કેવી રીતે થશે?
પસંદગી પ્રક્રિયા ઘણી કડક અને બહુ-સ્તરીય છે. પ્રથમ તબક્કો શૈક્ષણિક શોર્ટલિસ્ટિંગનો છે, જેમાં ઉમેદવારોના ડિગ્રીના ગુણોના આધારે (સામાન્યકૃત ગુણપત્રક મુજબ) SSB ઇન્ટરવ્યુ માટે શોર્ટલિસ્ટ કરવામાં આવે છે. બીજો અને સૌથી મહત્વપૂર્ણ તબક્કો SSB (સર્વિસ સિલેક્શન બોર્ડ) ઇન્ટરવ્યુનો છે, જે 5 દિવસની પ્રક્રિયા છે.
તેમાં શારીરિક કસોટી, મનોવૈજ્ઞાનિક પરીક્ષણ, ગ્રુપ ટાસ્ક, વ્યક્તિગત મુલાકાત અને સમાજિક નેતૃત્વનું મૂલ્યાંકન થાય છે. SSBમાં પાસ થયા બાદ, તબીબી તપાસણી થાય છે, જે નૌકાદળના ખૂબ જ સખત ધોરણો પ્રમાણે હોય છે. છેલ્લે, આ બધા તબક્કામાં પાસ થનારા ઉમેદવારોની અંતિમ મેરિટ યાદી બનાવવામાં આવે છે, જેના આધારે જગ્યાઓ ભરવામાં આવે છે.
અરજી કેવી રીતે કરશો?
અરજી ફક્ત અને ફક્ત સત્તાવાર વેબસાઇટ www.joinindiannavy.gov.in પરથી જ ભરવાની છે. પ્રથમ તમારે વેબસાઇટ પર નોંધણી (રજિસ્ટ્રેશન) કરાવવી પડશે. નોંધણી કર્યા બાદ, તમને લૉગિન આઈડી અને પાસવર્ડ મળશે. તેની મદદથી લૉગ ઇન કરીને તમારે ઓનલાઈન અરજી ફોર્મ ભરવાનું છે.
ફોર્મમાં તમારી વ્યક્તિગત વિગતો, શૈક્ષણિક ગુણ, પસંદગીની શાખા (બે પસંદગીઓ આપી શકાય) વગેરે ભરવાનું રહેશે. સાથે જ જરૂરી દસ્તાવેજો જેવા કે ફોટો, સહી, શૈક્ષણિક માર્કશીટ, જન્મતારીખના પ્રમાણપત્ર વગેરેની સ્કેન કરેલી નકલો અપલોડ કરવાની રહેશે. બધી માહિતી અને દસ્તાવેજો યોગ્ય રીતે અપલોડ કર્યા બાદ ફી (જો હોય તો) ચુકવીને ફોર્મની અંતિમ સબમિશન કરવાની રહેશે. સબમિટ થયા બાદ એક પ્રિન્ટઆઉટ લઈ લેવો અને તેની સંભાળ રાખવી.
નોટિફિકેશન તથા વધુ માહિતી માટે – અહીં ક્લિક કરો